Examinando por Autor "Medardo Ortiz"

  • Miniatura
    Publicación
    Conocimientos de la nacionalidad A´i Kofán
    (Ediciones Continental, 2024-11-07) Medardo Ortiz
    Va tha’thapa tuya’kaen iñajampañamba tevaen’chu seman’bata tsût ayupi’sû a’indekhû atesû’pama tevaen’chu tsa nacionalidad A’i Kofán andeni jin’chuma, ñua’mejan tsa comunidad Autónoma Ancestral A’i Kofán Dureno tuya’kaen Uperitunima. Tayupi’sû a’indekhû atesû’pama tevaeñe’da gi atesû’chu kuendzandekhûma iñajampañamba tevaen, kaentsû jukhaningae ingi dûshûndekhû tuya’kaen dûsûngandekhû atesûpa kanse’faye ingi kuendzandekhû atesû’pama. Pa’khu vama tha’thapa tevaeñeda gi, tsaiyija kamba isû junguesû kini’sima tsû a’indekhûja ti’tshe isûpa kanse’fa’khen. Tse’thie gi iñajampañañe ashaen comunidad’sû kuendzandekhûma. Tise’pa inise tuya’kaen faesû kunda’chuma vasvne tevaen’chuta tsû jin anexoni, tsa bibliografía jukha’thi. Ma’thingata tsû faesû tevaen’jen’sûma’khe kamba tevaen’chu, tsa’ma me’in’un tsû injan’tshe vasû kuendzandekhû atesû’pama tevaen’chu jin’chuve, tsa’kansi gi kuendzandekhû kundase’chuveyi injan’tshe tevaen.