Examinando por Autor "Luis Javier Jende Aguavil"

  • Miniatura
    Publicación Conocimientos de la nacionalidad
    Conocimientos de la nacionalidad Tsa´chila
    (Ediciones Continental, 2022-07-19) Luis Javier Jende Aguavil
    Tsa`chilachi jelen janpeno ta`pelaka tsainan mate duke kirakalajoe mi i`chike duke jakalajoe fe`tola pan abi ti`chu sejununka ta`pekura junin in ta`pelaka junin in ta`pela duke sen jolajoe titi kiyan juminlaka man seshuwano. Junin in fi`kilaka pilabi chu`tekalajoe tsarshika mi jo`chun aman juntele nechi mande`kan pila chu`teminla ne tanjilai`sa. Fe`to janpeminla aman ma`tute mi laka pe kiraminla yala tsainan tsankarin chilachi mika man kiralakenae in mi piyapoletusa junshi fe sonba kare`chun. In jelenchi chumin janpeno ta`pelaka duke mirashtilatinae kiraminla jo`to in ta`pelachi sele man seimin jolajuna kiyanpunla tsa`chila yala michi janpeminlajoe, juntonan tsarshika mi i`tuntsanjoe titi uyan kiyanlachi sen jolajonunka in ta`pela, yaka mi jo`chun tsanke duke ne tanjina sen joe, amana mate ora pa`tsa ne tan ji`tukajoe fe sele mi jo`chun. In fi`ki uwanlaka pan akajun junshi pila chu`tekajun joe chilachi ma`tute mi junoka junshi janpeno aman ta`pelaka talano ma`tute mika fe sonba kare`chun, jun tsankenan mi jo`chun niyake chilachi ma`tute tsa`chila chuminla jununka man tei`chun aman chilachi nalaka man mika rede ji`chun chilachi ma`tute ta`tala niake son ramin jumilanunka.